Na comienso di siman, e trahadonan di Serlimar a bay den welga, pa diferente motibo.
Sindicato STA a apoya e trahadonan ya cu loke ta pasando na Serlimar, no por sigui asina. nan a pidi pa papia cu minister encarga cu Serlimar, cu ta Minister Ursell Arends, cual reunion a tuma luga diaranson merdia. Na nan salida nan a indica cu diahuebs nan lo reanuda trabou.
Den cada storia tin dos banda, pa cual a busca tambe e banda di medaya di Minister Ursell Arends. El a indica cu el a haci excepcion pa intermedia entre e dos partidonan. Pero como minister e no ta mete den e maneho diario di Serlimar.
Arends a bisa cu el a atende cu sindicato y tambe cu e representante di e trahadonan. na final, nan a acepta nan responsabilidad y nan tarea pa recoge sushi y nan lo haci esaki tambe den weekend pa asina haal in e dianan cu nan a perde.
Di banda di sindicato STA, e manera proactivo y positivo cu nan a atende e reunion, hopi lihe a yega na otro. Nan proposicion, Arends a hibe pa e Raad van Toezicht y esaki na su turno a haci palabracion cu gerencia. Unabes cu gerencia a acepta e proposicion, e informacion a bira un confirfmacion na sindicato. Di e forma aki, a logra trece paz y trankilidad bek pa e pueblo. Y pueblo di Aruba por ta sigur cu Serlimar lo recoge e sushinan den e dianan nos dilanti.
A pesar di tur cos, e problemanan ta continua. E situacion di Serlimar aworaki ta un compania cu tin surseance van betaling, un extension di pago. Serlimar ta un compania cu ta casi pa bati bancarota. Como minister, e lo kier evita esaki, pero su so como minister e no por hacie. Ta rekeri di tur como un solo ekipo pa traha hunto pa asina evita cu e situacion lo por bira pio y cu eventualmente, toch lo mester bati bancarota.
Pa un relato mas amplio, lesa TREMPAN.