Informacion cu a bin dilanti ta cu Minister di Asunto di Grandinan no a bay na Stichting Algemene Bejaardenzorg Aruba (SABA) pa sinta papia cu e directiva, pero a bay eynan pa celebracion. E mandatario no ta di acuerdo cu loke a bisa y ta exigi transparencia ora di sinta na mesa.
Ursell Arends, Minister di Asunto di Grandinan, a indica cu na varios ocasion el a sinta cu e directiva di SABA. E ta haya loke a bisa ta ‘punch below the beld’, pasobra e gerencia mes tabata esun cu a dun’e un rondleiding completo di e edificio
Nan a hib’e conoce e edificio completo. El a sigui indica cu el a hasta conoce e edificio di SABA na Playa, tambe el a bishita esun di San Nicolas. E mandatario a planta mata cu e adultonan mayor cu tin n’e luga. Incluso Arends a sinta hunga domino cu nan.
“Aworaki mi ta wordo bisa cu nunca mi a bishita”, el a indica. E mandatario a enfatisa cu su persona a sinta na mesa den piso dos di Cocolishi. A duna nan macutu, a celebra nan aniversario.
Segun minister, semper el a sinta cu nan y ta dispuesto pa sinta cu nan. “Pero, ora nos sinta cu otro na mesa, nos mester ta transparente cu otro. Esey ta loke mi ta exigi”, segun Arends.
