Minister Geoffrey Wever a atende un reunion hunto cu e empresarionan di Aruba den e mision comercial pa Colombia. E reunion cu a atende diahuebs mainta a bay hopi bon mes segun e mandatario. Un reunion cu hopi di esnan cu ta atende cu logistica y tur pregunta di ambos banda a ser clarifica. E potencial tey y e solucionnan tambe tey. Hopi pregunta cu comerciante a haci y cu a kere cu no ta posibel, a resulta cu toch nan ta posibel segun Minister Geoffrey Wever. Importante si ta pa Aruba y su comerciantenan organisa nan mes bon. Mester uni forsa segun minister Wever pa ora manda container manda nan hunto. E lo baha e prijs si tur bin riba un solo barco.
Haña tur importado hunto y asina manda tur cos den bulk. Por tin un cos mas continuo di e producto. Minister Geoffrey Wever a sali hopi positivo di e reunion diahuebs mainta y a traha algun cita mesora cu companianan individual pa sigui papia. Di banda di Aruba tambe nan tin algun trabou pa bay haci pa sinta cu nos importadonan pa haya nan onboard pa mira con por haci esaki. Union entre comerciantenan sin pensa riba e competencia ora di trece e containernan hunto riba un solo barco, e lo sali nos di bon. Hasta por hinca e dos islanan Corsou cu Bonaire den e mesun biahe y tur esaki lo baha prijs. Minister a bisa cu e prijsnan duna den reunion ta mustra poco halto ainda.
Nan mes a bisa cu si Aruba bin cu un bon volumen di container e prijsnan ta baha di biaha. Asina bo por garantiza e rutanan pa tur siman of dos biaha pa luna trece container Aruba. Asina bo por traha un cuadro pa por haci negoshi cu bo hendenan abordo. Minister Wever a splica cu nan lo garantisa pa gobierno tin un rol tambe den e proceso aki. Di parti di su ministerio e lo zorg pa lidera esaki tambe hunto cu e comerciantenan y partnernan strategico cu nan a conoce awor den e mision na Colombia. E reunion di diahuebs hasta a supera e expectativanan di minister Wever.
