E gremionan na diferente ocasion a indica cu falta di informacion di BBO aan de grens y cu e Minister di Finansa no ta sinta cu nan. Di otro banda e mandatario ta haya cu no tur biaha mester sinta cu su persona.
mr. Xiomara Maduro, Minister di Finansa, a expresa cu nan tin un agenda druk. No ta di awo Camara di Comercio (KvK) a solicita reunion cu e mandatario. E tabatin un par di tempo bezig, pero e agenda di Maduro a yega y el a duna KvK su reunion. Nan a trata e BBO aan de grens.
KvK hunto cu ATIA y otro hende di interes ya tin cita cu Departamento di Impuesto (DIMP) y tambe cu Aduana pa haya informacion specificacion riba esey. No ta asina cu a sinta c’un gremio so, no a sinta cu otro. Como Minister di Finansa, nan a pone esey hunto cu e parti tecnico cu nan ta sinta hunto cu DIMP y Aduana. Nan ta haya feedback y asina ey ta traha riba eseynan.
El a reitera cu su persona no ta Minister di Economia mas. E Minister di Economia ta sinta cu e gremionan. E ta haya cu no ta tur ora mester sinta cu Minister di Finansa. Aunke e sa cu tin hende cu echt kier sinta cu Minister di Finansa.
Pa mas lesa TREMPAN.COM.
