Diamars marduga alrededor di 12:40 am polis y brandweer a presenta cu urgencia p’un cas na candela. Bernhardstraat tabata e caya caminda un candela tabata expande y hopi lihe.
Tur cos a cuminsa cu un corchon na candela, pero cu tempo a crece pocopoco te yega dak. E cas ta uno bandona y mas bien ta uza pa adicto ambulante. E candela na dado momento hasta tabata menasa algun cas y edificio den cercania.
Ta suficiente motibo pa brandweer activa zwaailicht y sirena pa nan yega mas lihe posibel. Despues di un rato, a logra combati e candela. E bisiñanan tabata keha di e holo stinki y fuerte cu tabata penetra den nan cas. Bernhardstraat ta keda na San Nicolas.
