Hopi biaha gobierno ta purba di stimula, purba motiva pa bin cu empresa. Pero, den otro pais den Caribe Hulandes, gobierno ta yuda un parti cu subsidio. Recientemente Minister di Transporte, Integridad, Naturalesa y Asunto di Adulto Mayor, Ursell Arends, a expresa cu gobierno no ta subsidia, pero cu ta yuda otro manera.
A puntra mr. Geoffrey Wever, Minister di Asuntonan Economico, riba e echo si gobierno tin espacio pa sostene cierto comercio. El a expresa cu na e momentonan aki gobierno sa di e situacion financiero di Aruba unda cu a caba di sali fo’i Covid-19.
Mester a stabilisa finansas publico cu aworaki ta den direccion hopi positivo. Sinembargo, e no ta asina cu e Investment Summit ta bay gepartner cu un programa di subsidio. E mandatario a expresa di kere cu tin hopi comerciante local cu tambe lo ta den necesidad di cierto ayudo di gobierno. Te na e momentonan aki esey no ta parti di e empeñonan di gobierno.
