Dia 14 di februari 2024 a yega Aruba un delegacion di coleganan di Eerste Kamer aki na Aruba. Ta trata di miembronan di “Vaste Kamercommissie voor Koninkrijksrelaties”. Di dianan 9 te cu 19 di februari e delegacion a bishita e 6 islanan den Caribe.
Ta usual cu na inicio di un periodo nobo, e miembronan ta haci e bishita aki, pa siña conoce coleganan, siña conoce e islanan, nan similaridad y diferencianan. Hopi importante ta pa nan tin of haya un miho comprondimento di e situacion local di cada isla y por pone e cosnan den contexto ora ta trata topiconan cu ta regarda nos islanan. Den e delegacion actual mayoria ta cara nobo, cuater so ta miembro pa algun tempo caba.
Parlamento di Aruba durante di un encuentro social a topa cu e delegacion. E actividad tabata na Kulture Café. Sigur un anochi caminda como parlamentario e parlamentario ta bisa, por a hiba combersacionnan hopi ameno cu sui coleganan. Mas cu claro ta siña conoce otro y hopi importante ta cu bo por comparti informacion di Aruba y kico tur ta e logro y retonan.
Ami ta keda accentua cu e momentonan aki ta necesario pasobra cu un aspecto cu mi lo keda subraya constantemente ta e echo cu hopi biaha e ta haya cu e coleganan Hulandes falta di hopi informacion y conocemento di e isla. Mientras hopi biaha nan ta esnan, cu na momentonan crucial, mester tuma decision riba puntonan cu tin un impacto pa Aruba a largo plaso.
Un ehempel ta e refinanciamento di e debe cu Aruba tin cu Hulanda relaciona cu Covid y tur e exigencia/condicionnan cu Hulanda ta mara na esaki pa por haya un deal beneficioso.” Dus pueblo por compronde cu un di e topiconan mas presenta pa nos di Aruba ta e strafrente y e exigencia di Hulanda pa regla supervision financiero via un Ley di Reino.”
Segun Tromp-Lee, a resalta cu nan ta impresiona cu e grado halto y lihe di recuperacion di Aruba y e maneho responsabel cu gobierno ta hibando. “Tambe mi a sinti nan boluntad pa hunto cu nos sigui traha na bienestar di nos pais. Na juni lo tin reunion di IPKO na Hulanda y aki sigur lo tin mas espacio pa tene dialogo y hiba discucionnan riba topiconan di importancia pa nos paisnan.”
