Den pasado a papia pa Aruba bira completamente renobabel den e temporada di 2020. E tempo ey tabata papia di hidrocable. Durante conferencia di prensa minister di Energia a indica cu no ta considera hidrocable.
Glenbert Croes, Minister di Energia, a indica cu no a considera hidrocable pa Aruba. Esaki ta bin pa motibo cu nan ta kere den e proyectonan, perspectiva cu tin, unda cu ta cumpli e meta sin e hidrocable. Loke ta mira pa tempo corto, e mandatario a indica cu dia 10 di september e lo ta biahando pa Merca c’un mision. Aki e lo tin reunion cu gobierno Mericano pa asina pidi autorisacion.
E mandatario a indica cu nan ta bay busca pa haya autorisacion di OFAC pa RdA y Fuel Marketing Supply Aruba (FMSA) cumpra heavy fuel oil for di Venezuela. Croes a sigui splica cu nan ta trahando riba tanto plan A como B, pasobra nan a haya informacion cu Republica Dominicana ta cumpra heavy fuel oil na descuento increibel.
