Esunnan cu tin problema su sobrepeso of obesidad, tin problema social tambe. No tin e manera financiero pa por hiba un bida saludabel. P’esey gobierno kier yuda e personanan aki pa brinda un forma gratis, esta un ‘verbeterd traject’. Lo cuminsa cu un proyecto piloto y e intencion aki ta pa amplia esaki.
Na final di dia tin un comunidad mas saludabel, ta baha mortalidad y tambe e gastonan di AZV. Esey t’e intencion di e clinica di obesitas na Aruba, pa por tin suficiente fondo, p’asina yuda e personanan cu no tin e manera pa come mas saludabel. Pa yuda nan hiba un bida mas saludabel, segun minister di turismo y salud, Dangui Oduber.
Fuera di esey ta consciente cu hopi di esunnan cu tin problema cu peso, ta e personanan mas vulnerabel pa hiba un bida mas saludabel. Cu excepcion nan tambe participa na actividad di movecion. Pero e ta un combinacion di factor pa hiba un bida mas saludabel.
No ta solamente e parti di movecion, sino mester come mas saludabel tambe. Come saludabel ta keda un reto. T’e comentario mas frecuente cu ta scucha di comunidad, cu fruta y berdura casi ta impagabel, mientras cu invoerrechten riba fruta y berdura ta 0%. A yega di sinta cu e mayoristanan, como tambe grupo di retailers pa purba baha e prijs di fruta y berdura pasobra simplemente mester di nan cooperacion pa logra baha prijs.
Pa cobertura mas amplio lesa TREMPAN.
