Diabierna anochi, poco despues di 7:00 pm, roadservice a bay atende cu un accidente na Savaneta. Aki ta caminda un auto marca Hyundai modelo Tucson bayendo ariba a baha velocidad pa un fila su dilanti. Su tras tabatin un auto marca Toyota modelo Rush, e chauffeur no a logra brake na tempo a dal tras di e Hyundai.
E Toyota mes no tabatin daño visibel, mientras cu e Hyundai si a haya sla parti patras. Mientras cu e trahado di ‘road service’ tabata compila informacion, el a cuminsa sospecha cu e chauffeur di e Toyota lo ta bou di influencia di alcohol y a solicita presencia di polis.
Sinembargo, na momento cu polis a yega no por a haci mucho mas pasobra ya ambos chauffeur a hala nan auto. No a pone e chauffeur supla, pero a dun’e prohibicion pa stuur auto pues un hende mester a busc’e.
