Diamars ultimo Minister Plenipotenciario Guillfred Besaril a presencia e recepcion pa tuma despedida di Presidente di Eerste Kamer, Ankie Broekers-Knol. Na mesun momento a tuma tambe despedida di tur e miembronan di Eerste Kamer cu lo no regresa mas na momento cu instala e Eerste Kamer nobo otro siman 11 di juni.
Minister Besaril den nomber di Gobierno di Aruba a gradici Broekers-Knol pa su dedicacion como Presidente di Eerste Kamer, pa fortifica e relacionnan den Reino Hulandes en particular den contactonan interparlamentario. Como muestra di gratitud, Minister Besaril a entrega un regalo na Broekers-Knol y a desea tur clase di exito den futuro.
Por cierto cu awe a anuncia cu a nombra Ankie Broekers-Knol como Secretario di Estado pa Asilo y Migracion. E funcion aki a bira liber despues cu Mark Harbers a retira como Secretario di Estado.
