Sra. Helena Kelly a cuminsa traha na BID dia17 di mei 1989 den e rango di Schrijver. Despues di e reorganisacion di BID, Helena a traha cu e diferente ministerionan. Desde 24 di juni 1991 e ta waarnemend chef di e ministerio di Asuntonan General.
Helena tawata reemplasa su coleganan di e otro ministerionan, entre otro Geheim Archief, durante nan ausencia. Na 2009 Sra. Eveline Tromp, chef di DIV Algemeen y Geheim, a bay ter beschikking pa 8 aña y durante e periodo aki Helena a fungi como e waarnemend. Dia 1 di januari 2017 nan a nombr’e como chef di e afdeling DIV den rango di Hoofdcommies.
Tur colega conoc’e como un persona servicial y cu ta yuda tur hende y tambe si tin cualkier problema ta cerca dje nan ta bay pa un solucion. Helena ta considera como un di e pilarnan di BID. Unda cu mester di dje e ta traha sin ningun problema. Sr. Marcelino Petrocchi, mihor conoci como Vito, a cuminsa traha na BID dia 1 di juni 1989 como Bode y tambe tawata yuda den e afdeling di Semi-Statisch. Ora a instala Nationaal Historisch Archief na 1994, cu a bira un departamento riba su mes na 1995 cu e number Archivo Nacional Aruba (ANA), Vito a bay traha cu nan. Dia 1 di September 2018 Vito a haya un overplaatsing y a bin bek na cas cerca BID. Actualmente e ta trahando den e seccion di DIV den e rango di Adjunct-Commies 1ste Klasse.
Sr.Vito ta un persona cu ta semper cla pa yuda y ta un persona cu no ta laga nada strobe pa sigui siña pa e bay dilanti y progresa den bida u su trabou. Dia 8 di mei 1989 Sra. Susan Hoek a cuminsa traha na BID den e rango di Schrijver. Pa dia 1 di januari 1991, na comienso di e reorganisacion di BID, e tawata eherce diferente trabou y tambe tawata reemplasa chefnan di diferente ministerio apart di su trabou como chef di ministerio di Finansas.
Desde dia 3 di augustus 1991, Susan ta encarga cu e trabounan di Geheim Archief na lugar di Lisette de Mey kende ta cu zwangerschapsverlof y vakantie pa algun tempo. Na su regreso lo translad’e pa ministerio di Finansas. Te cu awendia Susan ta trahando den e seccion di Geheim den e rango di Commies 1ste klasse. Susan mescos, cu Helena, ta un persona hopi servicial cu por traha den tur ministerio. Semper e ta para cla pa yuda y duna conseho na tur otro colega. Mescos cu Helena e ta considera como un di e pilarnan di BID cu unda cu mester
di dje Bo por conta cune. Helena, Marcelino y Susan, den nomber di minister-president Sra. mr. Evelina C. Wever-Croes y e personal di Bureau Interne Diensten, masha pabien cu Boso 30 aña di servicio den gobierno.
