Milisianan lo reforsá Warda Kosta pa sigui intensivá e patruyanan riba laman. For di e siman akí milisianan di Kòrsou i Aruba lo ta forma parti di e patruyanan di Warda Kosta.

E milisianan a risibí un entrenamento intensivo huntu ku personal di Warda Kosta pa nan por siña e trabou riba laman. Warda Kosta ta hasi uzo di tur su unidatnan pa detektá praktikanan ilegal riba laman.

E operashonnan di Warda Kosta lo kontinua ku refuerso di e milisianan, e barku di patruya, Zr.Ms. Zeeland i su helikòpter NH-90 pa por protehá e awanan teritorial. Siudadanonan por yama riba e number 913, na momento ku nan mira algu sospechoso riba laman.

Comments

comments