Diabierna ultimo Stellaris Casino na Aruba Marriott Resort a organisa nan “Haunted Dance Party”. E fiesta di disfraz a atrae un publico grandi y na final tabatin tres premio pa e miho disfraz. E fiesta tabata di añanan 80 cu dos banda musical y varios DJ.
E fiesta tabata di disfraz, unda cu a pone cinco mil dollar disponibel na premio. E ganado absoluto tabata Clyde Fuenmayor, cu a bay cas cu mil dollar cash. Na di dos luga a keda Betzabeth Acosta cu a gana $250 cash y e di tres premio tabata pa Jayson Banfield cu tambe a bay cas cu no menos di $250 den su saco. Separa di e premionan pa disfraz, tabatin e mashin di twister, un cabina cu hende ta drenta y e biento ta forma manera un biento y asina ey tabatin chens di gana placa. E placa cu a logra gara den man tabata p’e participante.
E fiesta a consisti di animacion musical di dos banda musical local, N’ Fusion y OREO. Hunto cu nan tanbatin DJ cu tabata popular den e añanan 80.
