Riba 30 di october 2022 a tuma luga un congreso di partido MEP. Aki ta caminda cu presidente di partido, presidente di congreso, candidato y militancia di partido MEP a aproba y apunta mr. Evelyn Wever-Croes como nan lider p’e proximo cuater aña.
E congreso a conta cu dos parti. E prome parti tabata mas formal y e di dos parti a cer’e evento cu banda musical. Locual a resalta, ta cu e lider di partido a anuncia durante un entrevista exclusivo cu 24ora.com cu; “awe campaña a cuminsa!”
Bisando esaki, por spera mas actividadnan politico durante e siman- y lunanan nos dilanti. Wever-Croes a priminti cu lo sigui traha pa haci e partido mas grandi aun, lo organisa por lo menos un reunion pa luna na nan sede.
MEP lo trece cambio riba su lista, ya tin algun idea di algun candidato cu no lo sigui y ta buscando caba algun candidato nobo. No ta un secreto cu MEP lo cuminsa bishita cas e proximo periodo nos dilanti. Pa lesa mas subi TREMPAN.
