E encuentro di Interparlamentair Koninkrijksoverleg (IPKO) a finalisa y pa Accion21 resultado di esaki tabata uno menos productivo.
Miguel Mansur, parlamentario (Accion21), a indica cu e IPKO aki tabata esun menos productivo cu tabatin. Esaki ta bin door cu segun e agenda nan no a bay den deel groep, nan no a trata tema specifico. E no por bisa si esaki ta debi cu ta wardando e cambio den Eerste Kamer of pakico nan a organisa IPKO di e forma ey.
Tur e asuntonan cu nan tabatin, nan a combersa riba nan pero tur a keda pendiente. Nan no a yega na conclusion concreto. Mansur a indica cu ainda tin mas trabou pa haci. E ta kere cu ta na su luga pa pueblo, n’e islanan y Hulanda, puntra kico ta e resultadonan constructivo of concreto ta di e conferencianan asina aki. E ta kere cu e ta algo cu nan mester enfoca.
Den pasado a papia pa presenta e afspraken na e respectivo gobiernonan y pidi nan na cada tanto tempo update riba kico nan ta trahando. Un ehempel cu e parlamentario a bay riba dje ta e caso di ombudsman riba e studiante Caribense di varios aña pasa. Ta di lamenta cu dos aña despues ainda e progreso ta masha poco. Ainda tin hopi asunto cu mester resolve, kiermen e ta preocupante loke nan ta trata eynan. E topiconan ta serio y no ta haya e debido atencion di e respectivo gobiernonan.
Pa mas lesa TREMPAN.COM.
