Recientemente tabatin un reunion publico tocante e rapport titula “Bo Aruba”, a base di investigacion di Algemene Rekenkamer Aruba (ARA) pa loke ta trata proyectonan di Aruba.
Durante e reunion esnan cu ta sostene gobierno a papia comosifiera gobierno anterior no tabatin control y cu no tabatin bista riba e proyectonan. A haci manera no tabatin project- dossiers. Un hilaridad y Wyatt-Ras no por kere cu na Aruba e diferente departamentonan cu ta traha ariba e proyectonan, manera p.e. DOW, cu ta traha hopi structura, no tabatin projectdossiers.
Ta trata di un cantidad di proyecto manera: Revitalisacion di Oranjestad (25 proyecto), Revitalisacion di San Nicolaas (9 proyecto), Hospital (2 proyecto), Infrastructura (74 proyecto), edificionan di gobierno (32 proyecto), skolnan (29 proyecto), trabou den bario (36 proyecto),Liniar Park y Mehoracion y Embeyecimento di nos beachnan (16 proyecto), Viviendanan (10 proyecto) y otro proyectonan (8 proyecto). Un cantidad di 241 proyecto cu gobierno di Mike Eman a entama pa nos pueblo. Proyectonan cu bo ta mira y mishi cu nan, bo ta gosa di nan y ta haya un facilidad eynan. Oposicion ta haci comosifuera tur cos a bai malo y cu esaki a costa nos pais asina hopi placa cu pa esey nos ta den debe. Gobierno kier insinua cu ta pavia di e proyectonan ey ta bin cu yen di heffingen, crisisheffing, BBO a subi, reforma fiscal etc. Sinembargo esaki no ta cuadra cu realidad.
Nos hendenan no por ni cumpranan productonan den supermarket pa nan come paso tur cos a bira mas caro. En cambio e proyectonan aki tabata pa nos pueblo. A resulta cu cos no ta manera cu e gobierno aki kier pretende di ta. Heffingen cu e gobierno aki a introduci ta genera hopi mas placa cu locual e proyectonan ta sali pa anja pa nos paga. Ta raro alavez cu ta despues di 2 anja ta trata e rapport di “Bo Aruba” cu a ser entrega na Parlamento ya caba na 2018.Tin un otro rapport di Contraloria General cu nos a ricibi, titula “Public Private Samenwerking”, esta e cooperacion entre secor priva y e sector gubernental. E rapport aki ta tocante e “Green Corridor” y “Watty Vos Boulevard”, dos proyecto grandi hopi bunita cu nos pueblo ta goza di nan y cu hasta Sra. Evelyn-Wever Croes a gaba Nos brug na Corsou. Nos carreteranan a bira hopi mas miho y ta conecta nos hendenan di pariba pa pabou y di zuid pa noord. Ora tira bista riba e rapport aki den “Conclusies en Aanbevelingen” por nota cu Contraloria General ta conclui “cu e maneho di contracto di e dos proyecto aki ta na ordo, pero cu por mejora suministro di informacion na Parlamento tocante “riesgonan” financiero.
Si lesa mas aleu por bisa cu e conclusion ta positivo pa cualkier gobierno cu por a traha ariba e proyectonan aki. Si tuma nota di e reaccion di e ministernan ariba e rapportnan aki e minister di Infrastructura ta bisa cu el a tuma nota di e diferente recomendacionnan y lo trata esakinan cu su colega minister di Finansas y cu DOW. “Daarnaast dient ook aangegeven te worden dat er reeds gesprekken met de DOW zijn gevoerd inzake het verbeteren van hun rapportagesysteem ook richting de Staten van Aruba”. Aki ta tira culpa riba DOW. Hasta e minister ta bisa cu e lo sigui cu e proyecto, na un forma bon y skerpi: “Zoals is aangegeven in uw rapport zal het Ministerie zich blijven inzetten om de goede voortzetting van de betreffende projecten op scherpe wijze te bewerkstelligen”.
Y e reaccion di e minister ta Finanzas tabata positivo: cu “dat daarover dezerzijds geen andere opmerkingen zijn, dan ambtelijk al eerder verwoord door de directie Financien”. No tin comentario riba e proyectonan aki. Hopi di e proyectonan aki a ser entama conhuntamente cu FDA y ora ta trata proyecto di FDA tin cu cumpli cu yen di rekisito. sigur cu ta exihi projectdossiers. No ta husto tampoco cu gobierno ta tira culpa riba DOW comosifuera nan mester mehora nan proceso di informacion. Loke a wordo bisa den e rapporten ta cu ora a cuminsa cu e proyectonan aki diferente instancianan ainda mester a custumbra cu e forma di ehecucion, pasobra PPP projecten tabata algo nobo pa nos pais y tambe tin cosnan cu a bai menos vlot pero no tabata para tanto y mester a bira full un hilaridad pa bisa cu a traha malo, etc. Ta importante pues cu parlemtarionan ta lesta tur rapport y no un rapport so.
E rapport cu ta trata Evaluacion di PPP a drenta Parlamento na november 2019. Ta stranjo diconno a pone e rapport aki tambe ariba agenda pa trata. Segun Wyatt-Ras e Presidente di Parlamento tambe ta fout, e mester sa miho. E ta trata e rapport cu nan por haci politikeria cun’e. Esaki no ta refleha seriedad di e presidente di Parlamento. Fraccion di AVP lo keda mustra ariba hechonan ora cosnan no ta cuadra cu realidad. Paso pueblo sa. Pueblo ta mira, pueblo ta sinti cu e proyectonan di PPP a beneficia nos pueblo. Tampoco no ta husto pa bisa cu ta pavia di gobierno di AVP ta tuma medida paso pueblo por mira cu e gobierno aki ta saca placa foi cartera di nos pueblo pa e por beneficia su famia, amigo, bisinja y hasta byside. Tur ta wordo beneficia y nos pueblo tin cu sufri.
