Diamars despues di 3’or y mey di atardi, informe a drenta cu un auto a accidenta den bario di Paradera. Na e sitio a topa un Mercedez Benz GLK 280 tipo di SUV den muraya banda di e snackbar “Cheto’s”.
E motibo di e accidente mes a keda manera den laira, pero por mira cu e auto su so a baha for di caminda y dal den e muraya di e cas panort di “Cheto’s”. Aunke e persona eybou a desmenti cu e tabata e chauffeur di e Mercedez Benz, na final ta e mes a bay cu e papelnan di auto na e personal di e Roadservice. No tabatin herido.
