Departamento di Agricultura,Cria y Pesca Santa Rosa ta den ful preparacion pa loke ta Mercado Santa Rosa dia 29 di April proximo.
E baiaha aki eta wordo combina cu celebracion di Dia di Tera. Manera anual,ente esaki ta un gustumber cu nos ta celebra esaki na Santa Rosa. Fecha oficial di Dia di Tera ta wordo celebra anualmente riba 22 di april mundialmente. Di parti di Santa Rosa nos ta trata na mantene celebraion aki mas parti den fin di luna di april manera ta e caso awo di e fin di luna aki. Esaki logicamnete ta wordo combina tambe cu un “Opendag” pa asina nos bishitantenan por ta mas conciente di e importancia di e dia aki.
Nos ta cuminsa for di mainta 9’or y ta sigui te cu atardi 3’or. Manera semper cu e ambiente cu nos di Santa Rosa so por ofrecebo. Na momento cubo bishita nos mercado riba e dia aki ta un sin fin di productonan local lo tin na bo disponiblidad y na prijsnan di famia y sigur lo pas den bo cartera. Productonan manera Remedinan di Tera traha na cas. Mas otro productonan pa cabey u cutis pa mantenan limpi y sano. Mas di nos productonan local lo bo haya manera Jam di Casho, Papaya y bon di esaki ta cu tin di e productonan aki ta cu sucu y otro sin suco specialmente pa esnan cu ta diabeties.
Liquernan traha na Aruba mes pa mannan di nos hende local. Sabornan nan cu lo bai tin ta Mango y Casho.
Matanan di fruta y ornamental sigur lo tin pa abo por pasa y aprecia y diabiaha cumpra esun dibo preferencia aki mes na Santa Rosa.
Cuminda Crioyo cu nunca por falta durante di nos Mercadonan. Nos ta papiando aki di Cabrito Stoba, Sopi Carni, Comcomber Stoba asina nso por sigui menciaona. Un si fin di cumindanan apetitoso cu abo mester ta den nos mercado pa asina saboria un di e platonan aki. Cumindanan vegetariano ta na bo alcanse den nos mercado.
Actividad pa nos muchanan nom por falta. Sea bo ta bishita nos “Cunuco Chabelito” y laga e muchanan admira nos betianan mientras mayornan ta bishita nos mircado. Tambe lo bai tib “Dino Jump”, Trampolin pa e muchanan.
Ambiente musical ta cuminsa for di 9’or cu musica di Caha di Orgel di nos amigo Nelson Sprok. Sigui merdia cu reconocimento na nos “Amigonan di Santa Rosa” y nos ta finalisa parti atardi cu Grupo di Betico.
Bo ta keda cordialmente invita pa e celebracion grandi aki di nos Mercado Santa Rosa hunto cu celebracion di Dia di Tera aki mes na Santa Rosa
