Meteo: Alerta pa biento y lama bruto

Servicio Meteorologico di Aruba (METEO) ta alerta pa biento duro y lama bruto ta drenta na vigor awe merdia 12:00pm y lo keda valido te diasabra 6:00pm.

Synopsis

Un area di presion halto riba ocean atlantico y un area di presion abou riba Colombia lo mantene diferencia grandi di presion den nos area y lo causa biento fuerte te hopi duro den rafaga. Ta urgi usuarionan di lama pa tene cautela riba lama debi cu e biento fuerte aki lo causa lama bruto.

Biento lo supla cu mas o menos 20 te 25 nudo y ta anticipa cu lo tin rafaga cu por yega te 35 nudo.

Accion de precaucion

Mara obhetonan cu ta los pasobra nan por bula rond dor di biento asina fuerte. Usuarionan di lama mester tene cuenta cu lama lo ta bastante bruto, specialmente entre costanan parti oost, noord te noordwest.