Den fin di siman tabata tin e Pan Am Series II na Heredia Costa Rica y Joshua Klaber a participa den e categoria di -58 kilo cu un total di 20 atleta for di diferente Pais. Esaki ta Joshua Klaber su di dos Pan Am Series y su di dos evento den e categoria adulto y evento di G.
Joshua Klaber a topa den su prome salida cu e Canades Mark Pashnin y Joshua Klaber a gana dos di e 3 rondnan, lagando e Canades den veld ariba su rudia. Den e di dos salida Joshua Klaber a topa cu Melvy Alavarez for di Merca y Joshua Klaber a perde tur dos rond. Melvy Alvarez a sigui y a sali campeon den e categoria di -58 kilo.
Monica Pimentel a coach Joshua Klaber y ta contento cu Joshua Klaber a gana su prome pelea den evento di G cu ta un adelanto pa su desaroyo den e categoria adulto. Awo lo sigui prepara pa e siguiente evento di G pa sigui subi e trapi.
