Segun resumen di awe 69 persona a recupera y un total di 84 caso nobo di COVID-19 a keda registra cual 12 ta turista y 72 ta residente. E cifranan aki ta representa un ‘Positivity rate’ bou di nos residentenan di 31%. Cantidad di casonan activo di COVID-19 pa awe ta 807 y cantidad di fayecidonan relaciona cu COVID-19 ta 111.
Datonan ta ilustra subida continuo di casonan nobo cu un averahe semanal di 108 caso pa dia y un averahe di ‘positivity rate’ semanal di 30% pa dia cu ta sigui subi.
Hospital tin 23 persona interna di cual 4 ta den ICU, 18 riba piso general y 1 riba piso di maternidad. Datos di hospital ta ilustra cu di esunnan interna den hospital cu COVID, 21 persona no tin ningun vacuna y solamente 2 persona ta vacuna, esunnan interna den ICU ningun ta vacuna.
