Mr. Kathy Ruiz-Paskel, Director di DIMAS a splica cu a pone tres siman pa traha riba permisonan cu ta cla y ta wordo manda na adresnan. Paralelo na esey e cliente mes por mira riba website y ta bin. E ta un combinacion. Na momento cu manda su permiso pa medio di postkantoor, lo kita tambe su number for di e website, e ora e sa cu tin algo pa e pickup eynan. Pero e ta tur dos. Y a esunnan cu ta keda cla awor aki recien busca mas lihe posibel na DIMAS. Y esunnan cu ta cla ya pa un largo tempo, wardando pa e cliente pasa busca, cu DIMAS ta procesa y manda nan postkantoor pa asina e cliente por haya esaki tambe den suman.
Proceso di carchi
Tin carchi cu ta bay cas y tin carchi cu tin cu busca. Segun e directora di DIMAS, e cliente na momento cu el a haci su entrega, tin di nan a pone nan firma digitalmente riba e sistema. Riba e carchi ta bin un firma. Na final, pa emiti e carchi y si e firma no tabata den e sistema anteriormente, esey ta nifica cu na final, na momento di afgifte e tin cu firma pa e por ta añadi na e documento y por haya e carchi. A dicidi toch pa manda e hendenan alvast riba papel y esnan cu haya nan permiso riba papel, sin e carchi, por acudi siguientemente na DIMAS pa busca e carchi despues cu nan caba di firma.
Proceso di permiso mes
Pa locual ta trata maneho, esaki ta un area cu ta concerni na gobierno. Ora bo ta trata di un maneho di admision di trabao, bo ta haya mas cu un minister cu tin cu stipula maneho. Bo tin e minister di labor, cu tin cu determina un parti y bo tin e minister di husticia, cu tin cu determina e parti di permiso tambe. Ta dos ministerio cu ta trahando hunto pa mira kico ta e cambionan cu lo mester introduci. Den esaki e ora eynan, claro bo ta bay wak kico ta e vision, unda bo kier ta aki 10, 15, 20 aña y djey traduci’e bek den maneho pa por carga e direccion cu bo kier bay, tanto social, economicamente, pa asina bo por yega na e fase aki. E ta rekeri berdad evaluacion. E ta rekeri cu ta traha hunto y esey ta haci tambe cu no tur cambio di maneho a introduci’e di un dia pa otro pero ta tuma su tempo. Pero banda di esey tin tambe naturalmente e proceso di cambionan di ley, unda cu ya caba prome cu e gobierno actual a subi, tabata tin conceptonan di ley den tramite den parlamento y ta bao di revision pa wordo brinda cu e cambionan cu ta mira necesario.
E ta un proceso di cambio di ley y maneho, cual e ultimo lunanan aki tanto na nivel di ministerio como e dienstnan a contribui, unda cu ainda falta pa e ministernan caba di publica tur locual cu ta e cambionan. Esakinan, segun cu nan ta cla y cu cay decisionnan, lo avisa na e clientenan.
