Un delegacion di Gabinete di Minister Plenipotenciario, encabesa pa studiantenan Arubiano, a pone un krans na e monumento na Waalsdorpervlakte riba “Dodenherdenking” diabierna 4 di mei 2017. Tambe presente tabata Minister Plenipotenciario Suplente Eddy Paris.
Prome cu esaki a tuma lugar un encuentro na Cas di Aruba. Aki tabatin presentacion di e documentario “A Royal Affair”. E documentatio aki a wordo traha riba peticion di ex Gobernador di Aruba Fredis Refunjol y e video ta duna un bista durante siglonan e nificacion di Aruba pa cu Reino Hulandes.
Na final e studiantenan a ricibi copia di e Gedenkboek cu Comité 4 en 5 mei a saca e aña aki, cual aña e tema tabata “verzet” cu tabata e operacion di resistencia durante di Segunda Guera Mundial. E gedenkboek aki ta enfoca riba e parti di Hulanda den Caribe y tambe di e yuinan di tera cu tabata den verzet, manera Boy Ecury.
Na e monumento na Waalsdorpervlakte e studiantenan Arubiano acompaña pa Eddy Paris y demas functionarionan di Arubahuis a pone un krans. Na final e studiantenan a expresa di a haya e conmemoracion uno hopi interesante y conmovedor.
