Campeonato HEINEKEN fast pitch di Aruba Softball Bond dedica na dos baluarte Jacobo Jansen y Gilbert “Nando” Maduro a continua riba veldnan na Pos Chiquito. Den categoria AA Macuarima Spark Elektra a enfrenta Jay’s Tire den un tanganaso di partido.
Macuarima a pika dilanti 3-0 den promer inning y ta amplia cu 3 careda mas den cabez di 3 inning. Jay’s Tire ta corta ventaha anotando 2 careda den bom di 3 inning y ta bolbe anota dos mas den bom di 5 inning pero ta keda cortico. Boxscore final Macuarima 6 careda, 6 hit, 4 error y ta laga 6 coredor na base. Jay’s Tire 4 careda, 5 hit, 1 error y tambe ta laga 6 coredor den circulacion.
Mihor bateadornan pa Macuarina Spark Elektra ta Edgar Flanegin 1-1, Arjen Mathilda 2-2, Jean Pierre Geerman 2-1, Lucio Geerman y Ray Bernabela ambos di 3-1. Pa Jay’s Tire a luci na plato Filbert Thiel di 3-2, Giancarlo Gomez 1-1, Djurwin Croes y Josmar Thiel a bay di 3-1. Juan Chirino ta bay 5 inning completo enfrentando 25 bateador tirando 33 bola, 54 strike pa un total di 87 lansamento permitiendo 4 careda di cual 1 ta limpi tras di 5 imparable regalando 1 base por bola y ta propina 2 ponche pa consolida e victoria riba su nomber. Gianmar Alders ta bay 1 inning y 1 tercio y ta permiti 5 careda tras di 5 hit.
Jorge Santana Cortina ta drenta releva y ta bay 4 inning y 2 tercio lansando 87 pitch y ta permiti 1 careda tras di 3 hit y ta regala 4 base por bola. Weganan di fast pitch ta continua dialuna awor 8 di Juli na Pos Chiquito unda pa 715pm den categoria AA Royal Power lo enfrenta Celebrities y pa 9pm Jay’s Tire vs spuiters. Diamars 9 di Juli pa 715 pm Play Off final den Aklas game 4 Logros vs Piratas y pa 9pm Macuarima Spark Elektra vs Celebtities. Fanaticada yega tereno bin apoya bo equipo preferi.
