Campoenato HEINEKEN fast pitch di Aruba Softball Bond dedica na dos baluarte jacobo Jansen y Gilbert “Nando” Maduro a continua riba veld di Dragon Hitters.
Den categoria AA Spuiters MIPA a midi forsa contra Macuarima Spark Elektra. Macuarima ta piki 2 careda den bom di promer inning y ta piki un mas den bom di 2 pa hasi e wega 3-0. Den cabez di 4 inning spuiters ta empata e wega 3-3 pero Macuarima ta rally pa finalmente gana e partido 6-3.
Macuarima como equipo a bati di 24-8 pa un averahe di 333 mientras Spuiters a bay di 28-10 pa un averahe di 357. Boxscore final Macuarima 6 careda, 8 hit, 2 error y ta laga 5 coredor na base. Spuiters 3 careda, 10 hit, 3 error y ta laga 9 coredor den circulacion. Mihor bateadornan pa Macuarima ta Darl Quandus 2-2 cu 3 rbi, Jorrick Briesen y Juan Chirino ambos di 2-1. Pa Spuiters a destaca cu e Madera den man Reison Alvarado 4-2, Johnrick Flanegin y Elgin Donata di 3-2.
Juan Chirino ta pone e victoria riba su nomber enfrentando 30 bateador den 6 inning tirando 24 bola, 62 strike pa un total di 86 lansamento permitiendo 3 careda tras di 10 hit ponchando 7 bateador y no ta regala base por bola. Flanegin ta bay cas cu e derota permitiendo 6 careda tras di 8 hit y ta regala 2 base por bola. Diabierna weganan ta continua na veldnan na Pos Chiquito. Waak pa Bo tey!
