Aruba Marriott Resort & Stellaris Casino a wordo premia cu un total di cuater premio pa loke ta trata “Elite Awards”, e programa principal di reconocimento di Marriott International. E premionan aki ta specificamente pa e region continental di Caribe y Latino America (CALA). Di e cuater premionan, Aruba Marriott Resort ta conta cu “Premium Property Sales Leader of the Year”, “Property Revenue Management Leader of the Year”, “Reservations Sales Leader Of The Year” y tambe “Property Marketing Team Of The Year”.
E premio di “Premium Property Sales Leader of the Year” a wordo otorga na Carolina Voullieme, Director di Sales & Marketing y Reservations, pa a sobresali den e cantidad di benta cu nan a logra den 2023 por medio di bodanan, gruponan, catering, y e segmento di huesped transciente. Na mes momento, Carolina a demostra di a guia su team di Marketing, cerando 2023 cu ganashi ariba e meta di aña, incluyendo e alcance di un meta nunca antes mira. Voullieme ta forma parti di Aruba Marriott Resort desde 2013 y ta responsabel pa alcansa e obhetivonan di benta di e hotel como tambe optimalisa e generacion di entrada pa e hotel.
E premio di “Property Revenue Management Leader of the Year” a wordo presenta na Aisling Seberry, Multi Property Director di Revenue Management, pa e aumento significante den entrada produci pa e hotel na 2023 por medio di strategianan firme. Seberry ta forma parti di Aruba Marriott Resort desde 2013 y ta responsabel pa crea strategianan cu enfoke riba maximalisa e entrada di e hotel.
E premio di “Reservations Sales Leader Of The Year” a wordo otorga na Nataly Wever, Reservations Supervisor, kende a guia y apoya su ekipo durante e cantidad di reservacionnan cu ta drenta diariamente. Srta. Nataly a sa di demostra su liderazgo caminda e y su team a logra “upsell” na un cantidad halto durante 2023.
E premio di “Property Marketing Team Of The Year” a wordo ortoga na e ekipo di Marketing, bou di e guia di Carolina Voullieme, Director di Sales & Marketing, conhuntamente cu Noémi Tromp, Marketing Communications Manager, y Tessa Trejo, Marketing Executive. E premio aki ta un reflexion directo di un aña cu a sobresali ariba tur otro, cu e benta mas halto mira den Food & Beverage, cu ta parti di e marketing di restaurantnan. Tambe, 2023 a mira un crecemento den e cantidad di reservacionnan por medio di e hotel su website, un meta pa e ekipo aña riba aña.
“ELITE Awards” ta celebra excelencia, liderazgo, inspiracion, trabou den ekipo y ehecucion. E ganadonan ta wordo selecta a base di nan resultadonan di entrada pa e hotel, servicio di cliente superior, y participacion den e comunidad. E programa di reconocimento aki ta un di e maneranan cu Marriott International ta celebra su top lidernan y ekiponan, cual ta forma parti di Marriott su principio di mas importante y duradero, cual a wordo introduci pa e compania su fundado J. Willard Marriott, “Si bo cuida bo asociadonan bon, nan lo cuida e huespednan miho”.
Un tiki mas di Aruba Marriott Resort & Stellaris Casino:
Aruba Marriott Resort & Stellaris Casino ta situa na Palm Beach y ta consisti di 414 camber cu balcon priva cu bista pa e pool relahante y rondona pa e awa blauw di lama. Huespednan cu ta desea exclusividad por has reservacion na e Tradewinds Club, un boutique hotel di Aruba Marriott Resort. Ademas e hotel ta ofrece un ‘adults only’ pool cu ta brinda privacidad superior y tambe un variedad di restaurantnan cu ta garantisa un experencia unico. Pa esunnan cu kier disfruta y relaha, por haci uzo di e casino mas espacioso na Aruba. Pa mas informacion por tuma contacto cu Aruba Marriott Resort & Stellaris Casino na 586-9000 of bishita www.arubamarriott.com of www.tradewindsclubaruba.com. Tambe por bishita Aruba Marriott su Facebook y Instagram page @Arubamarriott
