Dia 12 di november 2023 Vicky Foundation na Hulanda a organisa e certamen pa scoge e representante di Aruba pa e certamen Miss Eco International 2024. E ganado di e certamen tin e tarea pa representa Aruba na e certamen internacional cu lo tuma luga na april 2024 na Egipto.
Durante certamen cu a tuma luga na Hulanda, Jaimerlee de Meza a gana Miss Eco Aruba 2023. Esey ta pone cu Jaimerlee lo representa Aruba na april 2024 na Egipto.
Jaimerlee de Meza ta biba y studia na Den Haag a resulta e ganado absoluto di e certamen. Na Aruba Jaimerlee no ta un dama desconoci, mirando cu na 2016 Jaimerlee a gana e certamen local Miss Teen Aruba, representando su districto San Nicolas e tempo ey.
Desde cu Jaimerlee a muda pa Hulanda pa sigui cu su estudio na 2017, el a keda activo den e mundo di modelahe y evento. E experiencia aki a yuda Jaimerlee den su desaroyo personal cu na su turno a causa un bon impresion cerca e miembronan di hurado di e certamen.
E preparacion pa Jaimerlee su participacion lo cuminsa di biaha bou encargo di Vicky Foundation hunto cu Endy Croes, kende tambe ta residencia na Hulanda, pa asina Jaimerlee por representa Aruba di e miho forma posibel.
Diahuebs atardi el a yega desde Hulanda pa pasa rato cu su famia, specialmente p’e cumpleaños di su wela. Jaimerlee a conta cu na april e ta representa Aruba na Egipto y e certamen tin di haber cu medio ambiente como turismo. Tur cos ta bayendo bon, el a indica. Awo cu e ta na Aruba, e ta tuma e oportunidad pa por promove Miss Eco Aruba, pero tambe p’e por haya mas contenido p’asina e por mustra n’e certamen.
Participacion
E aña aki el a mira cu Miss Eco Aruba tabata busca participante y a opta pa inscribi. Segun de Meza, dos aña pasa ya caba e tabata Miss Eco Aruba, pero pa motibo di coronavirus e no por a bay afo. E biaha aki e tin e oportunidad pa bay representa Aruba y p’esey ta gradici.
Preparacion
E ta sinti su mes sigur pa representa Aruba. Na 2016 el a gana Miss Teen, pero no a representa Aruba den exterior. E biaha aki si e por. E ta bay cu su team di Miss Teen como esun di Vicky Foundation. P’esey e ta hopi sigur di su preparacion.
