Na un manera grandioso Lighting Parade a ranca sali pa 8:18pm for di Aruba Entertainment Center na Dakota y e publico lo baila te cu ex DOW riba L.G. Smith Boulevard.
E parada di luz di Oranjestad ta consisti di 11 grupo. E secuencia ta como lo siguiente:
1. Empire Carnival Group
2. Dushi Carnival Group
3. Champagne Carnival Group
4. TOB Carnival Group
5. Royal Carnival Group
6. Majestic Carnival Group
7. Pink for Life Carnival Group
8. Infinity Carnival Group
9. Los Laga Bai Carnival Group
10. Soca Kingdom Carnival Group
11. OPC Carnival Group
E ora programa pa e ultimo grupo yega na su punto final, esta Ex-DOW ta 2’or di marduga.
Tambe Polis a informa for di unda e cabes di parada lo tey pa awenochi durante di Lighting Parade.
LOCALIDAD ORARIO📍
Avenida Milo croes 08:00
Banco di Caribe 08:40
George Madurostr. 09:05
Shakespearestr. 09:35
Las Americas 10:05
Adriaan Lacle Blvd 10:45
George Madurostr 11:15
Oranjestraat 11:40
Paardenbaaistraat 12:25
Esaki nan ta e informacion na unda e cabes di parada lo mester ta pa awenochi!
Ban celebra carnaval en grande pero conciente. Lo bay tin agentenan paden y pafo di parada pa sigui mantene orden publico.
Tambe nos kier a recorda henter e pueblo di Aruba como tambe esnan den exterior, cu 24ora.com lo bay ta en bibo, transmitiendo Lighting Parade 2019.
Mientras tanto, presidente di SMAC, hunto cu Cuerpo Policial a habri e parada, e trailer di Upgrade Music a bin dilanti compaña pa e Carnavalistanan di SETAR, mirando cu Northstar Brassband tabata un no-show.
