Wind Creek Aruba ta orguyoso di por a colabora cu Empire Carnaval Group pa celebra e 70 aniversario di Aruba su Carnaval, demostrando su compromiso pa participa den nos cultura y forma asina parti den nos comunidad.
Reconociendo e importancia di e celebracion cultural aki, Wind Creek Aruba a tuma medida proactivo pa sostene su empleadonan pa participa. E compania a implementa flexibilidad pa participa den diferente parada. Como muestra di compromiso, Wind Creek Aruba a facilita 99 empleado den e parada di Fakkel, 31 den e paradanan grandi y 68 den e Parada di Luz. Di e manera aki contribuiendo cu un parti di nan tarifa di participacion.
E compania a presenta cu orguyo un Flota di Carnaval cu e presencia dinamico di tres reina di Empire Carnival Group esta: Abigail Lejuez, Reina di Carnival di Empire; Suzette Wernet, Sra Carnaval di Empire; y Joleimar Morillo, Youth Queen di Empire. E reinanan a ilumina e flota acompaña pa “stilt walkers”. Por a aprecia e reina nan riba e flota cu a domina tur dos parada grandi, banda di esaki por a admira e “stilt walkers” repartiendo regalonan na e publico band’i caminda, engrandeciendo ainda mas e atmosfera alegre durante e paradanan.
E participacion vibrante di Wind Creek Aruba a culmina cu un sorpresa di e premio prestigioso di Carosa Luhuso pa 2024, un testimonio di e dedicacion y creatividad demostra durante e paradanan.
E posicion proactivo di e compania pa facilita participacion di su empleadonan den Aruba su Carnaval ta refleha perfectamente cu su compromiso pa cultiva un cultura di trabou positivo y sostenibel. Conmemorando un di e balornan di Wind Creek cu ta “tin diversion,” Wind Creek Aruba ta firme den contribui na e esencia di e festividadnan cultural di Aruba.
Asina tambe ta habri oportunidadnan pa por envolve futuro celebracionnan cu refleha balornan di comunidad, cultura, y trabou di ekipo.
