Diasabra atardi turistanan a pidi presencia di Polis pasobra a horta nan cosnan riba e beach banda di Boca Catalina. E turistanan tabata gosa di e trankilidad y siguridad di nos isla cu awe no ta existi mas manera antes. Ora cu nan a ripara a realisa cu nan pertenencianan a somenta. Djey a ripara cu no ta solamente nan pertenencianan pero tambe yabi di auto y e auto. Tabata un V-133.
E tas cu telefon y placa a disparce. Polisnan a atende cu e turistanan cu no tabata sa precies e marca y number di e auto. Polis mes a sali cu e turistanan pa asina nan bay na nan hotel. Eynan a busca forma pa haya mas informacion riba e auto. Na caminda no mucho leu na Malmok a topa cu e auto. E tabata para banda di lama bou di un mata. E turista a reconoce e auto. Den e auto a mira e tas. E placa y e iPhone si a ser horta. Polisnan a yuda e turista pa yama e car rental pa asina avisanan pa e turistanan. Polis a tuma e keho di e turistanan y lo keda extra atento pa e ladronnan den e zona.
