Pa 8’or y 20 di anochi, e prome trailer y grupo di carnaval a ranca sali iniciando asina e Grandioso Lighting Parade 2019, for di Aruba Entertainment Center.
Upgrade Music, hunto cu Carnavalistanan di SETAR a cuminsa cu e parada crusando den Avenida Milio Croes direccion Vondellaan, pa asina sigui su ruba pa ex DOW, situa riba LG Smith Boulevard. E parada a caba na e punto aki pa 2’or y mey di marduga.
E parada ta consisti di por lo menos 11 grupo y 4000 participante.
E secuencia ta como lo siguiente:
1. Empire Carnival Group
2. Dushi Carnival Group
3. Champagne Carnival Group
4. TOB Carnival Group
5. Royal Carnival Group
6. Majestic Carnival Group
7. Pink for Life Carnival Group
8. Infinity Carnival Group
9. Los Laga Bai Carnival Group
10. Soca Kingdom Carnival Group
11. OPC Carnival Group
E ora programa pa e ultimo grupo yega na su punto final, esta Ex-DOW ta 2’or di marduga.
E publico sigur ta respondiendo hopi positivo y contento manera cu e prome gruponan ta pasando.
24 ora tabata en bibo for di Talk of the Town, transmitiendo asina delaster un detaye di Lighting Parade 2019.
Si nos compra aña pasa, tabata tin 7 grupo y 2730 participante. Sigur un diferencia basta grandi, mirando cu e aña aki ta e celebracion di 65 aña di nos Carnaval.
