E conocido politico y lider di partido PPA, Benedict ‘Benny’ Nisbet di 67 aña di edad, ta luchando pa su bida contra e enfermedad cancer. Su famia a laga sa cu “Benny su estado di salud ta hopi delicado debi na cancer y hunto cu dokternan nos ta luchando pa su salud”.
Su casa, Natalia y famia, ta pidi pueblo di Aruba pa tene Benny den oracion. E señora y famia a pidi pa duna nan espacio pa atende cu e momentonan dificil aki. Ademas nan ta clarifica y pa kita tur duda, cu no a ofrece Benny Nisbet y tampoco el a nenga di haya tratamento pafo di Aruba.
Benedict Nisbet ta naci na Aruba dia 21 di juli 1953 y ta lider politico di partido PPA. “Benny Nisbet” manera tur hende ta yam’e, a participa den eleccion na September 2017 cu un lista combina cu UPP y hunto nan a cera 656 voto. Pa Benny Nisbet mes, el a conoce caida so e ultimo eleccionnan. Na 1997 el a haya 968 voto, na 2001 a baha na 931 voto, na 2005 a baha na 436 voto, na 2009 a baha na 329 voto, na 2013 a baha na 245 voto mientras cu den eleccion na 2017 a cay den voto te cu 150 voto.
Nos ta desea Benny Nisbet pronto recuperacion y sigur lo tene den nos oracion.
