Den cuadro di 50 aña di partido Movimento Electoral di Pueblo (MEP), a crea un pin como recuerdo pa cu e dia tan special aki. Prome Minister Evelyn Wever-Croes a entrega na sr. Nelson Oduber e prome pin como muestra di aprecio pa tur e añanan y pa tur e dedicacion cu e tabata tin pa e partido durante cu e tabata lider di partido MEP.
Partido MEP a ser funda cu e ideal pa Aruba ta un pais y bou liderazgo di sr Nelson Oduber a keda demostra cu esaki ta posibel. Danki na e bon gobernacion, awe Aruba ta un isla para riba su pianan. Esaki sigur ta un gran motibo pa ta orguyoso pa forma parti di e prestigioso partido MEP.
Prome Minister a expresa cu awor ta toca turno na su persona y na tur e representantenan actual riba lista di partido MEP pa sigui cu e lucha pa engrandece e partido y traha na bienestar di pais Aruba. Covid sigur a trece retonan grandi durante e gobernacion di Gabinete Wever-Croes, pero cu animo y perserverancia partido MEP lo logra construi pais Aruba bek.
Sr Nelson Oduber tabata sumamente agradeci di por ta e prome persona pa ricbi e pin aki y a elogia Prome Minister Evelyn Wever-Croes pa e trabou incansabel cu e ta bin ta eherciendo durante e ultimo añanan.
Danki na e liderazgo di Prome Minister Evelyn Wever-Croes y na tur e representantenan di partido, Movimento Electoral di Pueblo lo sigui engrandece su mes”, Sr Nelson Oduber a expresa.
