Den un landspakket cu Evelyn Wever-Croes a firma, kende a bisa un par di biaha na lider di fraccion di AVP cu no sa kico e ta critica cu Hulanda a obliga nan na nada. El a uza palabra literal di Wever-Croes cu “90% sr. Eman di locual ta skirbi den e landspakket ta locual nos mes tabata kier”.
Mike Eman, lider di fraccion AVP, a indica cu por ta Wever-Croes tabata kier flexibilisacion di wetgeving, pero su persona no ta kere cu Aruba ta desea esaki. El a sigui indica cu den un industria turistico esaki ta bay ta kat serval p’e empleadonan, pero kat serval pa cada negoshi chikito cu ta depende di turismo. Cada souvenier shop cu ta depende di turismo no por bay draai shete luna so y cuater pa cinco luna hotel ta bezig cu renobacion, hotel ta cera camber pasobra nan a haya oportunidad pa kita hende di trabou, drecha camber y hotel pa asina e siguiente grupo cu drenta no ta paga 250 dollar pero 350 dollar pasobra el a bira mas bunita. Pero e no ta bon p’e empleado, souvenier shop, no ta bon p’e watersport, no bon pa taxi y no bon pa ningun hende den e pais aki.
E impresion cu Eman a haya ta cu nan a bringa p’e, entre otro di AHATA, pa nan si e cos aki ta algo grandi, importante. Pakico? Pa no mantene trahado na trabou, pa nan no haya un salario debido, pa gana mas placa ainda. Ta haci critica riba empleado di WEB, hera ta gana hopi. E parlamentario kier sa pakico un electricien na WEB hopi biaha ta bisa cu e ta 30% riba mercado. Por ta un negoshi chikito di instalacion no por paga loke WEB por paga, pero un hotel cu ta bende camber 300 of 400 dollar pa dia no por paga electricien mescos WEB ta pag’e?
Segun Eman, el a bay tras di pensamento di algun hende den e sector di turismo cu tabatin e pensamentonan visionaro pa Aruba. Nan a bis’e cu si e ta bay goberna e pais aki, p’e mira pa drecha producto cual a haci, manera kita waf di container pa ora crucero yega, un aeropuerto bunita, drecha infrastructura y otro cos mas. A bis’e pa traha poco hotel y mercadea Aruba hopi bon, tambe a haci esey unda a crea ATA y inverti 100 miyon aden.
