Outoridat di Aviashon Sivil di Kòrsou, komo parti di Ministerio di Tráfiko, Transporte i Planifikashon Urbano, huntu ku Ministerio di Desaroyo Ekonómiko, i Ofisina di Turismo di Kòrsou a organisá e seminario titulá ‘ Lets Get Connected’: Seminar on Air Transport Connectivity’ riba djabièrnè 28 di yüni.
Un konektividat áereo optimal ta krusial pa desaroyo sostenibel di ekonomia di tur parti di Reino Hulandes, spesialmente esun di Karibe Hulandes. E kambionan den e struktura konstitushonal di Reino tabata tin impakto riba e industria di aviashon.
Desaroyonan di último tempu den e industria a alsá konsiensia riba e importansia pa kuida e konektividat eksistente, i traha pa alsa i mehorá e nivel di e konektividat áereo aktual. A firma un protokòl di transporte áereo teniendo kuenta e último desaroyonan, i rekonosiendo e importansia di un konekshon optimal entre tur parti di Reino Hulandes pa stimulá kresementu di e industria.
Durante di e seminario a analisá e maneho áereo den Reino. Un revishon di maneho eksistente lo por ta nesesario pa drenta e era nobo di aviashon kaminda konektividat ta di tal manera ku e ta suplí e demanda di merkado.
Durante di e seminario, diferente orado a presentá nan perspektiva di desaroyonan pa loke ta konektividat entre e islanan di Karibe Hulandes, i posibel maneranan pa garantisá e konektividat aki. Partisipantenan tabata tin oportunidat pa diskutí riba esaki durante diferente seshon di pènel. A yega na diferente konklushon i a plania diferente akshon huntu.
