Diadomingo algo prome cu 11:00AM e Señora cu ta traha na e luga patras di Fort Zoutman a yega trempan pa haci control.
Aki el a mira un jug pafo. Desde e momento cu el a mira e jug, e tabata sa cu algo no ta bon. Ora el a bay habri e porta, e Señora a mira e man di porta habri y mesora a bati alarma.
Polis a presenta na e sitio y a mira e situacion. Nan a puntra e señora kico asina e ladronnan por a horta. E Señora a bisa cu falta verf, cuashi, sker y potlood. Polis a tuma tur dato y lo bay haci investigacion. E Señora a bisa polis cu tur mainta entre 10:00 y 11:00 nan ta pasa controla, pero nan bin a topa cu e sorpresa aki.
Dos biaha e luna aki caba Polis mester a bay na e luga pasobra hendenan a drenta y horta caba.
