E tabata sa cu Coronavirus ta wordo destrui rapidamente door di solo, di acuerdo cu un investigacion nobo anuncia door di un oficial halto, diahuebs, aunke no a sali afo ainda cu e estudio y ta sperando evaluacion externo.
William Bryan, consehero cientifico y tecnologico pa Secretario di Departamento di Homeland Security, a bisa reporteronan na White House cu cientificonan di Gobierno a descubri cu rayonan ultravioleta tin un impacto potente riba e patogeno, ofreciendo speransa cu e por reduci den temporada di zomer.
“Nos observacion mas remarcabel te cu fecha ta e efecto poderoso cu rayonan di solo parce tin pa mata e virus, tanto riba superficie como den aire,” el a bisa.
“Nos a mira efectonan similar cu tanto temperatura como humedad tambe, unda cu e aumento di temperatura y humedad of ambos ta generalmente menos faborabel pa e virus.”
Pero e documento mes no a wordo haci publico ainda pa revision, haciendo esaki dificil pa expertonan independiente comenta riba con robusto e metodologia tabata.
Ta conoci pa basta tempo caba cu luznan ultravioleta tin un efecto sterilisante, pasobra e radiacion ta daña e material genetico di e virus y nan abilidad replica.
Un pregunta cardinal sinembargo lo ta kico e intensidad y largura di e luznan UV uza den e experimento tabata y cu si esaki corectamente ta iguala e condicionnan di luz natural den zomer.
“Lo ta bon pa sa con ta haci e test, y con ta midi e resultadonan,” Benjamin Neuman, presidente di Ciencia Biologia na Texas A&M University-Texarkana, a bisa AFP. “No cu ta haci’e malo, pero tin diferente manera pa conta virus, dependiendo di e aspecto cu bo ta interesa den studia.”
Bryan a comparti un presentacion resumiendo e cantidad di hayazgonan di e experimento haci na National Biodefense Analysis and Countermeasures Center na Maryland.
Ta mustra cu mita di bida di e virus – e tempo cu ta tuma p’e reduci na mita – tabata 18 ora, na momento cu e temperatura tabata 70 pa 75 grado Fahrenheit (21 pa 24 grado Celsius) cu 20% di humedad riba un superficie no ‘porous.’ Esaki ta inclui cosnan manera man di porta y stainless steel.
Pero e mita bida ta baha cu 6 ora ora e humedad subi cu 80% – y solamente 2 minuut ora solo ta bin acerca. Ora e virus tabata ‘aerosolisa’ – cu ta nifica suspendi den aire – e mita bida tabata 1 ora, momento cu e temperatura tabata 70 of 75 grado cu 20% di humedad.
Den presencia di rayo di solo, esaki a baha solamente 1 minuut y mey. Bryan a conclui cu e condicionnan di zomer “lo crea un ambiente (unda) transmision por disminui”.
El a pone acerca, cu e propagacion reduci no ta significa cu e pantogeno por elimina completo y cu e linea di distancia social no por wordo elimina completo.
“Lo ta iresponsabel pa bisa cu nos ta sinti cu zomer ta bay mata e virus completamente y si e ta liber pa tur y hendenan lo ignora e lineanan ey,” el a bisa.
Trabounan anterior tambe ta di acuerdo cu e virus tin un miho resultado den climanan friu y seco den condicionnan calido y humedo, y e rate mas abou di plama den paisnan di zuid hemisferio unda ta tempran den herfst y ainda calido.
Por ehempel, Australia, tabatin bou di 7000 caso confirma y 77 morto – un cifra abou compara cu hopi nacion noord hemisferio.
Ta pensa cu e motibonan ta inclui e ‘droplets’ respiratorio ta keda den aire mas hopi den tempo friu, y e virus ta baha mas lihe den tempo calor, pasobra un capa di proteccion di vet cu ta rond di nan ta seca mas lihe.
Autoridadnan Mericano di Salubridad ta di pensamento cu e casonan di COVID-19 lo disminui durante zomer, probablemente e rate di infeccion lo subi bek den herfst y winter, manera otro virusnan di temporada, pues griep.
