Ta parce cu ladronicia di scooter, brommer y auto ta birando un problema hopi grandi riba nos isla. Un problema cu ta parce cu e Minister di Husticia no tin bou di control. E no ta un secreto cu e maneho di e minister riba su mes ta for di control.
Ta for di algun dia caba diferente persona ta notifica nos mesa di redaccion di e casonan di ladronicia. Pero a nota cu e ta aumentando keto bay y ta bayendo for di man. Esaki tabata e caso un biaha mas dialuna marduga, ora cu desconoci a horta un scooter na un cas na Companashi.
Un scooter blit blit y awo a lag’e na werki. Despues di un buskeda basta profundo a bin topa cu e scooter den mondi scondi na Bushiri riba diamars mainta. A topa cu e scooter tur desarma, a kita shield, luz y desarma e scooter por completo. Awo doño di e scooter ta hay’e cu e tin cu move cu bus pa por yega trabou.
E ta traha na hotel y desde awe mester coy bus for di Playa te Hotel, apart cu mester cana un bon pida prome cu haya bus, cu tur e consecuencia cu ta bin cu ne. Sea cu por yega trabou laat, bus por daña, awa por cay y mas factornan imprevisto. Ta spera cu pronto por yega na solucion pa casonan di ladronicia cu ta lantando cabes formal na Aruba.
