Den e kuadro pa kombatí kriminalidat i sigui halsa seguridat den nos komunidat, den oranan di atardi i anochi di djaweps 31 di òktober 2019, tantu e tim di Mantenshon di Òrdu Públiko komo e tim di investigashon di K.P.C., den koperashon ku otro partnernan manera Curmil, VKC i Marina Real, a tene kontrolnan preventivo.
E kontrolnan aki ku a tuma lugá den Buena Vista i Kura Piedra, a keda dirigí riba infrakshonnan den tráfiko, pero tambe riba ilegalidat manera posishon di arma (di kandela) i droga.
Durante di e kontrolnan aki, vehíkulonan i personanan sospechoso a keda listra di forma riguroso. A konfiská kantidatnan limitá di droga, pa kua a konfiská esakinan i duna e doñonan un prosès verbal.
Un kantidat di 29 but a keda repartí pa diferente infrakshon di e lei di tráfiko.
A konsekuensia di e akshonnan aki, outomobilistanan a keda desviá i na algun okashon tabatin stagnashon di tráfiko. Kuerpo Polisial ta pidi diskulpa pa e inkonbeniensia ku esaki por a trese kuné i alabes ta pidi komunidat pa karga ku nos, pasobra nos úniko afan ta pa laga abo sinti bo sigur riba kaya i den bo kas. E kontrolnan aki lo kontinuá.
