Awe mainta trempan na Hulanda, Minister President Mark Rutte a propone Raymond Knops, e actual secretario de estado encarga cu asuntonan di Reino, pa bira Minister di Asuntonan Interior y di Reino. E actual secretario di estado ya caba tabata reemplasa su colega Minister cu tabata ausente di trabao pa motibo di un operacion chikito cu mester a tuma luga. Awor parce cu e operacion chikito aki a trece complicacion cune, cu ta haci cu e Minister actual, Kaisa Ollongren, lo ta ausente pa un periodo mas largo. Awe merdia Rey Willem Alexander lo huramenta e Minister nobo y lo formalisa algun decision mas.
Staatssecretaris Knops van Binnenlandse Zaken en Koninkrijksrelaties lo tuma como Minister van Binnenlandse Zaken en Koninkrijksrelaties parti di e carteranan di Ollongren over. Banda di e responsabilidadnan actual, e ta tuma over democratie en bestuur, financiën en de regio’s, bouwen en energie en de versterkingsoperatie Groningen. Y ta bin acerca Rijksdienst en de Algemene Bestuursdienst.
Secretario di Infrastructura Stientje van Veldhoven lo wordo nombra Minister di Medio Ambiente y Vivienda. Minister Wouter Koolmees lo wordo encarga como Vice Prome Minister. Wouter Koolmees ta di e mesun partido cu Ollongren, esta D66, partido ruman di MEP. Y Minister Bijleveld-Schouten, cu tabata Minister di Defensa, lo ta encarga cu Seguridad Nacional.
Fuera di e cambio di Minister Ollongren y Knops, Gobierno Hulandes te awor no a splica motibo di e otro cambionan cu no ta relaciona cu e cambio aki.
