Djaluna 5 di novèmber 2018 entre 10.00 or pa 13.00 or, personal di High Impact Team den koperashon ku Tim di Mantenshon di Órden Públiko Rio Canario, a tene kontròl di tráfiko riba F.D. Rooseveltweg, Baden Powellweg i Weg naar Westpunt.
A kontrolá un total di 165 vehíkulo i a parti 61 prosèsverbal pa e siguiente infrakshonnan:
Manehá un vehíkulo sin:
reibeweis bálido;
ku e impuesto di vehíkulo ta pagá
seguro bálido;
karchi di kùr bálido;
faha di seguridat bistí;
plachi number.
Manehá un vehíkulo:
ku glas skur;
i papia na telefòn.
Stashoná vehíkulo riba asera.
Durante di e kontròl aki, bou di kondishon, kran a transportá dos vehíkulo. Tambe polis a detené un persona ku no tabatin e dokumentunan nesesario pa por permanesé riba nos isla.