Kontinuando ku e investigashon relashoná ku un kaso di ladronisia ku a tuma lugá dia 22 di yüli 2018 na un pakus den Saliña, polis a realisá varios entrada hudisial den área di Koraal Specht.
A konfiská vários paña i artíkulo ku no ta pertenesé na e establesimentu ariba menshoná.
En konekshon ku esaki ta pidi e komersiante ku a bira víktima di ladronisia den e temporada ei, pa pasa na departamento di Reshèrshi (VVC), pa asina wak si e ta rekonosé su artíkulonan.
Ta trata di merkansianan di e siguiente markanan:
Faridi;
Cambio;
Anne Fontaine;
Patrizia Pepe;
Rubber Ducky;
Baby Phat;
Roober.
