E compania Hulandes di aviacion, KLM, ta stop cu tur cooperacion cu e aerolinea local di Corsou, InselAir. Den un articulo publica den Curacao Chronicle, como resultado, biaheronan cu ta bula for di Hulanda pa e islanan ABC of Sint Maarten, no por bula cu e mesun pasashi cu InselAir te cu asina leu.
Nan tin cu cumpra un ticket separa pa nan biahenan subsecuente y na aeropuerto en cuestion, nan tin cu coy nan maletanan prome y despues check in atrobe.
KLM ta duna “e poco ehecucion operacional” di InselAir como e rason pa e suspension.
CFO di InselAir, Andre Delger, ta admiti cu e aerolinea di Corsou a experencia un siman dificil na final di Januari y na comienso di Februari, ora cu ambos avion F-50 tabata para y vuelonan mester a wordo retrasa of cancela. Pero e ta haya cu e conclusionnan cu KLM ta haciendo awo y su accionnan, ta disproporcional.
E director financiero ainda no a tuma contacto cu e gerencia di KLM riba e asunto, pero e lo bay pidi pa un clarificacion. “Sin backup e ta keda un operacion fragil, pero siman pasa nos por a bula apropiadamente di acuerdo cu schedule. Mi lo papia cu KLM riba esaki,” Delger a bisa.
