E presidente di e Asamblea Nacional, Juan Guaido, a huramenta como Presidente Interino di Venezuela, mey mey di un multitudinaria marcha na Caracas, diaranson, 23 di Januari, minuutnan despues cu e Tribunal Supremo di Maduro a ordena Ministerio Publico actua penalmente contra e diputadonan.
Guaido a admiti cu su decisionnan lo tin consecuencianan pa cual el a pidi e pueblo Venezolano pa hisa nan man pa tuma huramento y compromiso cu e hechonan cu lo bin a continuacion den e convulsa Venezuela.
Ademas, el a ratifica na Gustavo Tarre Briceño como representante di Venezuela den OEA, un decision cu a hiba TSJ pa pidi e actuacion contra e Asamblea. El a bisa cu e siman aki lo imprimi e Ley di Amnistia riba e funcionarionan publico cu dicidi bay di acuerdo cu e decision aki.
