E ta version mas halto y capacita ora ta trata di Jeep Wrangler. Rubicon ta nomber di e modelo sumamente popular aki. Ora papia di Wrangler, por pensa dibiaha riba diestres ‘trimlevels’ y Rubicon ta esun mas ekipa ora ta pensa riba off roading. E ta mas luhoso den su model y por haci mucho mas compara cu e otronan. For di leu bo por reconoce un Rubicon, segun Vincent Briezen di Ultimate Automobiles a comenta durante un entrevista. E accento di color cora ta resalta for di leu, tanto for di su branding parti pafo pero parti paden tambe, for di dashboard, pa accento di stuurwiel y sienta. Si ta desea, bo por adapta un Wrangler na bo gusto, pero mayoria di nan ta bin cu taira di 32 inch mudtires. Cu tempo, e auto a avansa, awendia ta conta cu un sistema di pushstart tanto pa cende e auto como pa habri e portanan. E ta bin ekipa tambe cu sensor tanto patras y si ta desea; dilanti tambe, e sensor aki ta brinda como un aspecto di siguridad extra riba e Rubicon. Un di e detayenan importante di e Rubicon ta e speakernan, e ta conta cu un total di nuebe speaker di e marca Alpine den henter e auto. Ta invita e comunidad pa pasa tira bista y tin espacio pa un test drive hunto cu un di e gerentenan di benta.
