Israel ta gana pa di cuater biaha e Festival di Cancion, Eurovision, cu un cancion inspira riba e spirito di e movimento mundial contra machismo #MeToo, vota pa miyones di televidente durante final di e certamen, celebra diasabra anochi na Lisboa, Portugal.
E cantante Israeli Netta Barzilai, kende a interpreta e cancion”Toy”, ta afirma di sinti su mes “hopi feliz” y gradicido cu a apoya e diversidad, na subi e escenario tras di anuncia su victoria.
“Danki pa a acepta e diferencia y apoyando e diversidad,” e cantante a declara yorando. “Mi ta adora mi pais,” el a añadi.
E artista a logra convence e publico cu su potente voz, su cara y su baile, unda cu e tabata imita e movimentonan di un galiña, den un duelo unda cu e ta tabata enfrenta, segun esnan cu a bet, e representante di Cyprus, e cantante Griego, di origen Albanes, Eleni Foureira.
E ultimo aki a interpreta e cancion titula “Fuego”, un tema di po cu un coro interesante, canta na Ingles, pa cual por a compar’e cu Shakira of Beyonce.
Israel tambe a gana e edicionnan di Eurovision di 1978, 1979 y 1998.
Netta Barzilai asina ta bira e sucesora di e cantante Portugues, Salvador Sobral, vencedor di aña pasa na Kiev.
Cyprus ta sigui Israel di cerca na di dos luga, sigui pa Austria na di tres. Alemania a posiciona na di cuatro, mientras cu Hulanda a keda na di 18 luga.
