Kontinuando ku e investigashon relashoná ku e kaso ku a tuma lugá dia 8 di aprel 2018 na Helfrichdorp, kaminda dos persona a perdé nan bida (komunikado 155/2018), Kuerpo Polisial ta hasi un yamada na komunidat pa yuda solushoná e kaso aki. Riba e dia en kuestion un ratu promé ku e aksidente, probablemente tabatin un diskushon entre e víktima Mercera i algun otro persona na un minimarket na Sta. Cruz. Polis ta pidi kualke siudadano ku tabata na e sitio durante di e diskushon i/òf durante di e tiroteo i tin informashon di e susesonan menshoná, pa paso e informashon pa polis. Por tuma kontakto ku polis via e number 917, 24 ora pa dia òf 108 kaminda bo anonimidat ta keda garantisá.
Abo tambe por kontribuí na solushoná e kaso ariba menshoná.
