Team di Bus di Salud di IBiSA ta contento di por reanuda su servicionan na publico den 2018. Pa e aña 2018 tin diferente actividad planea pa e comunidad di Aruba enfoca riba salud di nos pueblo di Aruba.
IBiSA lo mantene comunidad informa di nos actividadnan via nan facebook y otro medionan di comunicacion.
Bus di Salud ta ofrece screening di salud como tambe chekeo di peso, haltura y calculacion di e BMI (Body Mass Index). Ademas ta tuma e midi di cintura, sucu y colesterol den sanger y presion.
Team di Bus di Salud ta informa tur compania, organisacion, club of otro instancia cu ta desea di haci uzo di e servicionan di Bus di Salud pa 2018, cu por cuminsa manda nan peticion aden pa esaki por wordo registra y programa. Tin algun luga ainda y lo mester confirma cu si e fecha desea ta disponibel.
Pa haci esaki of pa mas informacion por tuma contacto cu sra. Charlene Bergrok Geerman na oficina principal di IBiSA situa na Frankrijkstraat 1, of por yama na telefoon 582 4987. Por tuma contacto tambe via email: [email protected] .
