Awe Hulanda a anuncia un serie di medida, despues di mira cu e cifranan di casonan di coronavirus no ta bahando. “E miho medida cu nos por tuma ta si tur hende por comporta nan mes,” Prome Minister Mark Rutte a bisa siman pasa, pero parce cu esey no ta dunando resultado pa cual a dicidi di tuma un serie di medida cu ta drenta na vigor diamars. Si e situacion ta “ernstig” e ta nifica mas medida y esey ta e situacion reinante na Hulanda, Rutte a bisa den e conferencia di prensa. E mapa di Hulanda cada biaha ta bira mas cora. Prensa a haya tip di kico e medidanan ta bay y a anuncia esaki prome cu e conferencia di prensa oficial di Prome Minister Mark Rutte hunto cu Minister di coronavirus De Jonge.
Te cu prome cu e conferencia di prensa e Gabinete ainda tabata den deliberacion di cual otro medidanan mester bini cu nan pa evita un lockdown di e pais. Pero si tin diferente cu ta haci mas dificil e bishita entre e diferente ciudadnan. A papia cu e medidanan aki ta valido pa tres siman pa controla e pandemia di Covid-19. Un di e medidanan aki ta cu Horeca na henter e pais mester cera nan portanan pa 10’or di anoch, y e ultimo ora prome cu cierre no ta permiti ningun cliente mas. Eventonan deportivo profesional y amateur ta tuma luga sin publico. Ta bini cu un maneho dirigi pa trahamento na cas.
Police patrols on the Leidseplein in Amsterdam on September 26, 2020 while the Amsterdam-Amstelland Safety Region is preparing new, stricter measures to break the second wave of contamination of COVID-19 caused by the novel coronavirus. (Photo by Ramon van Flymen / ANP / AFP) 
Customers sit at a terrace on the Spui in Amsterdam on September 26, 2020 while the Amsterdam-Amstelland Safety Region is preparing new, stricter measures to break the second wave of contamination of COVID-19 caused by the novel coronavirus. (Photo by Ramon van Flymen / ANP / AFP) 
People sit at terraces with plastic screens in Groningen, The Netherlands, on September 25, 2020. (Photo by Remko de Waal / ANP / AFP) / Netherlands OUT
Ta bay atende cu doonan di trabou riba violaconnan cu tin como consecuencia cierre temporal. Biahamento entre ciudadnan Amsterdam, Rotterdam y Den Haag ta permiti solamente si ta necesario, y tin algun excepcion. Den caso di negoshinan unda tin contacto di cerca entre personal y cliente, ta obligatorio un buki di registro manera na salonnan di beyeza pa haci e contract-tracing mas facil. Den supermercado por drenta solamente cu un garoshi cu nan mester haci desinfecta prome cu uz’e. Tambe ta papia di e cantidad di personanan cu por ta hunto pafo, no mas cu 50, y paden no por ricibi mas cu 4 persona na un cas di famia.
